Devarim 31:1 – 31:30
30 versículos
Em cima, o texto hebraico, com os sinais de vogal e os de cantilação — os tracinhos que dizem a melodia com que o trecho é cantado na sinagoga. A leitura corre da direita para a esquerda, e os números são os da Bíblia hebraica.
Embaixo, em cinza, a transcrição: o mesmo versículo em letra latina, do jeito que soa quando é lido em voz alta. Não é tradução — não diz o que significa. Serve para acompanhar a leitura e para tentar ler junto.
De vez em quando aparece um פ ou um ס no fim de um versículo: são as marcas de parágrafo do rolo — petuchá, quando o trecho seguinte começa em bloco novo, e setumá, quando fica só um espaço no meio da linha. Palavra em caixa clara é qerê: ali o rolo escreve de um jeito e a leitura em voz alta é outra, e as duas coisas se transmitem juntas há séculos.
As quatro letras יהוה são o Nome. Estão escritas porque estão no rolo — mas na leitura em voz alta não se pronunciam: diz-se Adonai, ou HaShem, "o Nome". Por isso a transcrição traz Adonai.
É transcrição, não fonética exata. O shevá — aquele sinal de dois pontos — às vezes soa "e" e às vezes é mudo, e a diferença nem sempre está escrita; aqui vale a regra comum, e há exceções que só o costume resolve. Quem quiser o som certo, ouve um baal koré ler.
וַיֵּ֖לֶךְ מֹשֶׁ֑ה וַיְדַבֵּ֛ר אֶת־הַדְּבָרִ֥ים הָאֵ֖לֶּה אֶל־כׇּל־יִשְׂרָאֵֽל׃
vayelech moshe vaydaber et-hadevarim ha'ele el-kol-yisra'el
וַיֹּ֣אמֶר אֲלֵהֶ֗ם בֶּן־מֵאָה֩ וְעֶשְׂרִ֨ים שָׁנָ֤ה אָנֹכִי֙ הַיּ֔וֹם לֹא־אוּכַ֥ל ע֖וֹד לָצֵ֣את וְלָב֑וֹא וַֽיהֹוָה֙ אָמַ֣ר אֵלַ֔י לֹ֥א תַעֲבֹ֖ר אֶת־הַיַּרְדֵּ֥ן הַזֶּֽה׃
vayomer alehem ben-me'a ve'esrim shana anochi hayom lo-uchal od latzet velavo vaAdonai amar elai lo ta'avor et-hayarden haze
יְהֹוָ֨ה אֱלֹהֶ֜יךָ ה֣וּא ׀ עֹבֵ֣ר לְפָנֶ֗יךָ הֽוּא־יַשְׁמִ֞יד אֶת־הַגּוֹיִ֥ם הָאֵ֛לֶּה מִלְּפָנֶ֖יךָ וִירִשְׁתָּ֑ם יְהוֹשֻׁ֗עַ ה֚וּא עֹבֵ֣ר לְפָנֶ֔יךָ כַּאֲשֶׁ֖ר דִּבֶּ֥ר יְהֹוָֽה׃
Adonai eloheicha hu over lefaneicha hu-yashmid et-hagoyim ha'ele milefaneicha virishtam yehoshua hu over lefaneicha ka'asher diber Adonai
וְעָשָׂ֤ה יְהֹוָה֙ לָהֶ֔ם כַּאֲשֶׁ֣ר עָשָׂ֗ה לְסִיח֥וֹן וּלְע֛וֹג מַלְכֵ֥י הָאֱמֹרִ֖י וּלְאַרְצָ֑ם אֲשֶׁ֥ר הִשְׁמִ֖יד אֹתָֽם׃
ve'assa Adonai lahem ka'asher assa lessichon ulog malchei ha'emori ulartzam asher hishmid otam
וּנְתָנָ֥ם יְהֹוָ֖ה לִפְנֵיכֶ֑ם וַעֲשִׂיתֶ֣ם לָהֶ֔ם כְּכׇ֨ל־הַמִּצְוָ֔ה אֲשֶׁ֥ר צִוִּ֖יתִי אֶתְכֶֽם׃
untanam Adonai lifneichem va'assitem lahem kechol-hamitzva asher tziviti etchem
חִזְק֣וּ וְאִמְצ֔וּ אַל־תִּֽירְא֥וּ וְאַל־תַּעַרְצ֖וּ מִפְּנֵיהֶ֑ם כִּ֣י ׀ יְהֹוָ֣ה אֱלֹהֶ֗יךָ ה֚וּא הַהֹלֵ֣ךְ עִמָּ֔ךְ לֹ֥א יַרְפְּךָ֖ וְלֹ֥א יַעַזְבֶֽךָּ׃ ס
chizku ve'imtzu al-tiru ve'al-ta'artzu mipeneihem ki Adonai eloheicha hu haholech imach lo yarpecha velo ya'azveka
וַיִּקְרָ֨א מֹשֶׁ֜ה לִיהוֹשֻׁ֗עַ וַיֹּ֨אמֶר אֵלָ֜יו לְעֵינֵ֣י כׇל־יִשְׂרָאֵל֮ חֲזַ֣ק וֶאֱמָץ֒ כִּ֣י אַתָּ֗ה תָּבוֹא֙ אֶת־הָעָ֣ם הַזֶּ֔ה אֶל־הָאָ֕רֶץ אֲשֶׁ֨ר נִשְׁבַּ֧ע יְהֹוָ֛ה לַאֲבֹתָ֖ם לָתֵ֣ת לָהֶ֑ם וְאַתָּ֖ה תַּנְחִילֶ֥נָּה אוֹתָֽם׃
vayikra moshe lihoshua vayomer elav le'einei chol-yisra'el chazak ve'ematz ki ata tavo et-ha'am haze el-ha'aretz asher nishba Adonai la'avotam latet lahem ve'ata tanchilena otam
וַיהֹוָ֞ה ה֣וּא ׀ הַהֹלֵ֣ךְ לְפָנֶ֗יךָ ה֚וּא יִהְיֶ֣ה עִמָּ֔ךְ לֹ֥א יַרְפְּךָ֖ וְלֹ֣א יַעַזְבֶ֑ךָּ לֹ֥א תִירָ֖א וְלֹ֥א תֵחָֽת׃
vaAdonai hu haholech lefaneicha hu yihye imach lo yarpecha velo ya'azveka lo tira velo techat
וַיִּכְתֹּ֣ב מֹשֶׁה֮ אֶת־הַתּוֹרָ֣ה הַזֹּאת֒ וַֽיִּתְּנָ֗הּ אֶל־הַכֹּֽהֲנִים֙ בְּנֵ֣י לֵוִ֔י הַנֹּ֣שְׂאִ֔ים אֶת־אֲר֖וֹן בְּרִ֣ית יְהֹוָ֑ה וְאֶל־כׇּל־זִקְנֵ֖י יִשְׂרָאֵֽל׃
vayichtov moshe et-hatora hazot vayitenah el-hakohanim benei levi hanossim et-aron berit Adonai ve'el-kol-ziknei yisra'el
וַיְצַ֥ו מֹשֶׁ֖ה אוֹתָ֣ם לֵאמֹ֑ר מִקֵּ֣ץ ׀ שֶׁ֣בַע שָׁנִ֗ים בְּמֹעֵ֛ד שְׁנַ֥ת הַשְּׁמִטָּ֖ה בְּחַ֥ג הַסֻּכּֽוֹת׃
vaytzav moshe otam lemor miketz sheva shanim bemo'ed shenat hashemita bechag hassukot
בְּב֣וֹא כׇל־יִשְׂרָאֵ֗ל לֵֽרָאוֹת֙ אֶת־פְּנֵי֙ יְהֹוָ֣ה אֱלֹהֶ֔יךָ בַּמָּק֖וֹם אֲשֶׁ֣ר יִבְחָ֑ר תִּקְרָ֞א אֶת־הַתּוֹרָ֥ה הַזֹּ֛את נֶ֥גֶד כׇּל־יִשְׂרָאֵ֖ל בְּאׇזְנֵיהֶֽם׃
bevo chol-yisra'el leraot et-penei Adonai eloheicha bamakom asher yivchar tikra et-hatora hazot negued kol-yisra'el be'ozneihem
הַקְהֵ֣ל אֶת־הָעָ֗ם הָֽאֲנָשִׁ֤ים וְהַנָּשִׁים֙ וְהַטַּ֔ף וְגֵרְךָ֖ אֲשֶׁ֣ר בִּשְׁעָרֶ֑יךָ לְמַ֨עַן יִשְׁמְע֜וּ וּלְמַ֣עַן יִלְמְד֗וּ וְיָֽרְאוּ֙ אֶת־יְהֹוָ֣ה אֱלֹהֵיכֶ֔ם וְשָׁמְר֣וּ לַעֲשׂ֔וֹת אֶת־כׇּל־דִּבְרֵ֖י הַתּוֹרָ֥ה הַזֹּֽאת׃
hakhel et-ha'am ha'anashim vehanashim vehataf veguercha asher bishareicha lema'an yishmeu ulma'an yilmedu veyaru et-Adonai eloheichem veshamru la'assot et-kol-divrei hatora hazot
וּבְנֵיהֶ֞ם אֲשֶׁ֣ר לֹא־יָדְע֗וּ יִשְׁמְעוּ֙ וְלָ֣מְד֔וּ לְיִרְאָ֖ה אֶת־יְהֹוָ֣ה אֱלֹהֵיכֶ֑ם כׇּל־הַיָּמִ֗ים אֲשֶׁ֨ר אַתֶּ֤ם חַיִּים֙ עַל־הָ֣אֲדָמָ֔ה אֲשֶׁ֨ר אַתֶּ֜ם עֹבְרִ֧ים אֶת־הַיַּרְדֵּ֛ן שָׁ֖מָּה לְרִשְׁתָּֽהּ׃ פ
uvneihem asher lo-yadu yishmeu velamdu leyira et-Adonai eloheichem kol-hayamim asher atem chayim al-ha'adama asher atem ovrim et-hayarden shama lerishtah
וַיֹּ֨אמֶר יְהֹוָ֜ה אֶל־מֹשֶׁ֗ה הֵ֣ן קָרְב֣וּ יָמֶ֘יךָ֮ לָמוּת֒ קְרָ֣א אֶת־יְהוֹשֻׁ֗עַ וְהִֽתְיַצְּב֛וּ בְּאֹ֥הֶל מוֹעֵ֖ד וַאֲצַוֶּ֑נּוּ וַיֵּ֤לֶךְ מֹשֶׁה֙ וִיהוֹשֻׁ֔עַ וַיִּֽתְיַצְּב֖וּ בְּאֹ֥הֶל מוֹעֵֽד׃
vayomer Adonai el-moshe hen karvu yameicha lamut kera et-yehoshua vehityatzevu be'ohel mo'ed va'atzavenu vayelech moshe vihoshua vayityatzevu be'ohel mo'ed
וַיֵּרָ֧א יְהֹוָ֛ה בָּאֹ֖הֶל בְּעַמּ֣וּד עָנָ֑ן וַֽיַּעֲמֹ֛ד עַמּ֥וּד הֶעָנָ֖ן עַל־פֶּ֥תַח הָאֹֽהֶל׃
vayera Adonai ba'ohel be'amud anan vaya'amod amud he'anan al-petach ha'ohel
וַיֹּ֤אמֶר יְהֹוָה֙ אֶל־מֹשֶׁ֔ה הִנְּךָ֥ שֹׁכֵ֖ב עִם־אֲבֹתֶ֑יךָ וְקָם֩ הָעָ֨ם הַזֶּ֜ה וְזָנָ֣ה ׀ אַחֲרֵ֣י ׀ אֱלֹהֵ֣י נֵכַר־הָאָ֗רֶץ אֲשֶׁ֨ר ה֤וּא בָא־שָׁ֙מָּה֙ בְּקִרְבּ֔וֹ וַעֲזָבַ֕נִי וְהֵפֵר֙ אֶת־בְּרִיתִ֔י אֲשֶׁ֥ר כָּרַ֖תִּי אִתּֽוֹ׃
vayomer Adonai el-moshe hinecha shochev im-avoteicha vekam ha'am haze vezana acharei elohei nechar-ha'aretz asher hu va-shama bekirbo va'azavani vehefer et-beriti asher karati ito
וְחָרָ֣ה אַפִּ֣י ב֣וֹ בַיּוֹם־הַ֠ה֠וּא וַעֲזַבְתִּ֞ים וְהִסְתַּרְתִּ֨י פָנַ֤י מֵהֶם֙ וְהָיָ֣ה לֶאֱכֹ֔ל וּמְצָאֻ֛הוּ רָע֥וֹת רַבּ֖וֹת וְצָר֑וֹת וְאָמַר֙ בַּיּ֣וֹם הַה֔וּא הֲלֹ֗א עַ֣ל כִּי־אֵ֤ין אֱלֹהַי֙ בְּקִרְבִּ֔י מְצָא֖וּנִי הָרָע֥וֹת הָאֵֽלֶּה׃
vechara api vo vayom-hahu va'azavtim vehistarti fanai mehem vehaya le'echol umtza'uhu raot rabot vetzarot ve'amar bayom hahu halo al ki-ein elohai bekirbi metzauni haraot ha'ele
וְאָנֹכִ֗י הַסְתֵּ֨ר אַסְתִּ֤יר פָּנַי֙ בַּיּ֣וֹם הַה֔וּא עַ֥ל כׇּל־הָרָעָ֖ה אֲשֶׁ֣ר עָשָׂ֑ה כִּ֣י פָנָ֔ה אֶל־אֱלֹהִ֖ים אֲחֵרִֽים׃
ve'anochi haster astir panai bayom hahu al kol-hara'a asher assa ki fana el-elohim acherim
וְעַתָּ֗ה כִּתְב֤וּ לָכֶם֙ אֶת־הַשִּׁירָ֣ה הַזֹּ֔את וְלַמְּדָ֥הּ אֶת־בְּנֵֽי־יִשְׂרָאֵ֖ל שִׂימָ֣הּ בְּפִיהֶ֑ם לְמַ֨עַן תִּֽהְיֶה־לִּ֜י הַשִּׁירָ֥ה הַזֹּ֛את לְעֵ֖ד בִּבְנֵ֥י יִשְׂרָאֵֽל׃
ve'ata kitvu lachem et-hashira hazot velamedah et-benei-yisra'el simah befihem lema'an tihye-li hashira hazot le'ed bivnei yisra'el
כִּֽי־אֲבִיאֶ֜נּוּ אֶֽל־הָאֲדָמָ֣ה ׀ אֲשֶׁר־נִשְׁבַּ֣עְתִּי לַאֲבֹתָ֗יו זָבַ֤ת חָלָב֙ וּדְבַ֔שׁ וְאָכַ֥ל וְשָׂבַ֖ע וְדָשֵׁ֑ן וּפָנָ֞ה אֶל־אֱלֹהִ֤ים אֲחֵרִים֙ וַעֲבָד֔וּם וְנִ֣אֲצ֔וּנִי וְהֵפֵ֖ר אֶת־בְּרִיתִֽי׃
ki-avi'enu el-ha'adama asher-nishba'ti la'avotav zavat chalav udvash ve'achal vessava vedashen ufana el-elohim acherim va'avadum veni'atzuni vehefer et-beriti
וְ֠הָיָ֠ה כִּי־תִמְצֶ֨אןָ אֹת֜וֹ רָע֣וֹת רַבּוֹת֮ וְצָרוֹת֒ וְ֠עָנְתָ֠ה הַשִּׁירָ֨ה הַזֹּ֤את לְפָנָיו֙ לְעֵ֔ד כִּ֛י לֹ֥א תִשָּׁכַ֖ח מִפִּ֣י זַרְע֑וֹ כִּ֧י יָדַ֣עְתִּי אֶת־יִצְר֗וֹ אֲשֶׁ֨ר ה֤וּא עֹשֶׂה֙ הַיּ֔וֹם בְּטֶ֣רֶם אֲבִיאֶ֔נּוּ אֶל־הָאָ֖רֶץ אֲשֶׁ֥ר נִשְׁבַּֽעְתִּי׃
vehaya ki-timtzena oto raot rabot vetzarot ve'anta hashira hazot lefanav le'ed ki lo tishachach mipi zaro ki yada'ti et-yitzro asher hu osse hayom beterem avi'enu el-ha'aretz asher nishba'ti
וַיִּכְתֹּ֥ב מֹשֶׁ֛ה אֶת־הַשִּׁירָ֥ה הַזֹּ֖את בַּיּ֣וֹם הַה֑וּא וַֽיְלַמְּדָ֖הּ אֶת־בְּנֵ֥י יִשְׂרָאֵֽל׃
vayichtov moshe et-hashira hazot bayom hahu vaylamedah et-benei yisra'el
וַיְצַ֞ו אֶת־יְהוֹשֻׁ֣עַ בִּן־נ֗וּן וַיֹּ֘אמֶר֮ חֲזַ֣ק וֶאֱמָץ֒ כִּ֣י אַתָּ֗ה תָּבִיא֙ אֶת־בְּנֵ֣י יִשְׂרָאֵ֔ל אֶל־הָאָ֖רֶץ אֲשֶׁר־נִשְׁבַּ֣עְתִּי לָהֶ֑ם וְאָנֹכִ֖י אֶהְיֶ֥ה עִמָּֽךְ׃
vaytzav et-yehoshua bin-nun vayomer chazak ve'ematz ki ata tavi et-benei yisra'el el-ha'aretz asher-nishba'ti lahem ve'anochi ehye imach
וַיְהִ֣י ׀ כְּכַלּ֣וֹת מֹשֶׁ֗ה לִכְתֹּ֛ב אֶת־דִּבְרֵ֥י הַתּוֹרָֽה־הַזֹּ֖את עַל־סֵ֑פֶר עַ֖ד תֻּמָּֽם׃
vayhi kechalot moshe lichtov et-divrei hatora-hazot al-sefer ad tumam
וַיְצַ֤ו מֹשֶׁה֙ אֶת־הַלְוִיִּ֔ם נֹ֥שְׂאֵ֛י אֲר֥וֹן בְּרִית־יְהֹוָ֖ה לֵאמֹֽר׃
vaytzav moshe et-halviyim nossei aron berit-Adonai lemor
לָקֹ֗חַ אֵ֣ת סֵ֤פֶר הַתּוֹרָה֙ הַזֶּ֔ה וְשַׂמְתֶּ֣ם אֹת֔וֹ מִצַּ֛ד אֲר֥וֹן בְּרִית־יְהֹוָ֖ה אֱלֹהֵיכֶ֑ם וְהָיָה־שָׁ֥ם בְּךָ֖ לְעֵֽד׃
lakoach et sefer hatora haze vessamtem oto mitzad aron berit-Adonai eloheichem vehaya-sham becha le'ed
כִּ֣י אָנֹכִ֤י יָדַ֙עְתִּי֙ אֶֽת־מֶרְיְךָ֔ וְאֶֽת־עׇרְפְּךָ֖ הַקָּשֶׁ֑ה הֵ֣ן בְּעוֹדֶ֩נִּי֩ חַ֨י עִמָּכֶ֜ם הַיּ֗וֹם מַמְרִ֤ים הֱיִתֶם֙ עִם־יְהֹוָ֔ה וְאַ֖ף כִּי־אַחֲרֵ֥י מוֹתִֽי׃
ki anochi yada'ti et-meryecha ve'et-orpecha hakashe hen beodeni chai imachem hayom mamrim heyitem im-Adonai ve'af ki-acharei moti
הַקְהִ֧ילוּ אֵלַ֛י אֶת־כׇּל־זִקְנֵ֥י שִׁבְטֵיכֶ֖ם וְשֹׁטְרֵיכֶ֑ם וַאֲדַבְּרָ֣ה בְאׇזְנֵיהֶ֗ם אֵ֚ת הַדְּבָרִ֣ים הָאֵ֔לֶּה וְאָעִ֣ידָה בָּ֔ם אֶת־הַשָּׁמַ֖יִם וְאֶת־הָאָֽרֶץ׃
hakhilu elai et-kol-ziknei shivteichem veshotreichem va'adabera ve'ozneihem et hadevarim ha'ele ve'a'ida bam et-hashamayim ve'et-ha'aretz
כִּ֣י יָדַ֗עְתִּי אַחֲרֵ֤י מוֹתִי֙ כִּֽי־הַשְׁחֵ֣ת תַּשְׁחִת֔וּן וְסַרְתֶּ֣ם מִן־הַדֶּ֔רֶךְ אֲשֶׁ֥ר צִוִּ֖יתִי אֶתְכֶ֑ם וְקָרָ֨את אֶתְכֶ֤ם הָרָעָה֙ בְּאַחֲרִ֣ית הַיָּמִ֔ים כִּֽי־תַעֲשׂ֤וּ אֶת־הָרַע֙ בְּעֵינֵ֣י יְהֹוָ֔ה לְהַכְעִיס֖וֹ בְּמַעֲשֵׂ֥ה יְדֵיכֶֽם׃
ki yada'ti acharei moti ki-hashchet tashchitun vessartem min-haderech asher tziviti etchem vekarat etchem hara'a be'acharit hayamim ki-ta'assu et-hara be'einei Adonai lehachisso bema'asse yedeichem
וַיְדַבֵּ֣ר מֹשֶׁ֗ה בְּאׇזְנֵי֙ כׇּל־קְהַ֣ל יִשְׂרָאֵ֔ל אֶת־דִּבְרֵ֥י הַשִּׁירָ֖ה הַזֹּ֑את עַ֖ד תֻּמָּֽם׃ פ
vaydaber moshe be'oznei kol-kehal yisra'el et-divrei hashira hazot ad tumam
Miqra according to the Masorah · Sefaria · CC-BY-SA. Usado sob a mesma licença, que obriga a creditar e a manter a licença — é o que esta linha faz.
A transcrição é gerada por regra a partir desse texto, e conferida contra os nomes das 54 porções — que a tradição deu, e que não passaram pelo nosso código.
E o sentido? Não está aqui, e é de propósito. A tradução da Torá em português que está em domínio público e à mão é protestante do século XVII — mais exatamente, uma revisão dela —, e reescreve o Shemá: onde o hebraico diz "Adonai é um" ela põe "o único Senhor". Nenhuma tradução judaica em português tem licença que permita hospedar. Enquanto não houver, o site não põe leitura de outra tradição no lugar desta. Achou erro? avise aqui.